Shri-Lanka poytaxti Kolombo aeroportida 22 nafar rohib 110 kg kannabis (Kush turi) bilan hibsga olindi. Bojxona xodimlarining ma'lum qilishicha, har bir rohibning yukida taxminan 5 kg dan giyohvand modda "soxta devorlar" ichida yashiringan holda topilgan.

Rohiblar, asosan talabalar bo'lib, Tailanddan to'rt kunlik to'liq xarajatlari qoplanadigan dam olish safaridan qaytayotgan edi. Sayohatni noma'lum homiy uyushtirgan. Hibsga olinganlardan tashqari, safarni tashkil qilgan deb gumon qilinayotgan 23-rohib Kolombo chekkasida qo'lga olingan.

Politsiya matbuot kotibining so'zlariga ko'ra, sayohatda qatnashmagan bu rohib boshqalarga "bu posilkalar xayriya" ekanligini va ularni yig'ish uchun furgon kelishini aytgan. Rohiblarning mobil telefonlarida ular dam olish vaqtida oddiy kiyimda suratga tushgani aks etgan.

22 rohib sud tomonidan 7 kunga qamoqqa olingan. Politsiya ularning giyohvand moddalarni olib kelayotganliklarini bilmagan bo'lishi mumkinligini taxmin qilmoqda. Giyohvand moddalar maktab anjomlari va shirinliklar orasida topilgan.

Bu Shri-Lanka tarixida bir guruh rohiblarning aeroport orqali giyohvand moddalarni olib kirishda gumon qilinib hibsga olinishi birinchi holatdir.

Source: www.bbc.com