O‘zbekiston prezidenti Shavkat Mirziyoyevning farmoni bilan G‘iyosiddin Rejabov Qutbiddinovich davlat rahbarining madaniyat masalalari bo‘yicha vakili etib tayinlandi. Bu haqda prezident matbuot kotibi Sherzod Asadov xabar berdi.

Yangi tayinlovga qadar Rejabov Prezident administratsiyasining Kreativ iqtisodiyot va turizm departamentida sektor mudiri lavozimida faoliyat yuritgan. Uning yangi vazifalari madaniyat sohasidagi davlat siyosatini muvofiqlashtirish va ijodiy tashabbuslarni qo‘llab-quvvatlashni o‘z ichiga oladi.

Eslatib o‘tamiz, 16-mart kuni Muzaffar Kamilov Prezident administratsiyasining Diniy-ma’rifiy masalalar bo‘yicha departamenti boshlig‘i etib tayinlangandi. Bu tayinlov munosabati bilan u prezidentning vakillik organlari, nodavlat notijorat tashkilotlar, din va yoshlar masalalari bo‘yicha maslahatchisi o‘rinbosari lavozimidan ozod etilgan edi.

Source: www.gazeta.uz