O‘zbekiston xalq artisti Yulduz Usmonovaning 9-may kuni Bruklindagi “Okean” teatrida bo‘lib o‘tishi rejalashtirilgan konserti atrofida jiddiy janjal kelib chiqdi. Nyu-York shtati assambleyasi a’zosi Maykl Novaxov va Nassau okrugi rahbari Bryus Bleykman rasmiy bayonot bilan chiqib, qo‘shiqchini antisemitistik bayonotlarda aybladi.

Siyosatchilarning so‘zlariga ko‘ra, ular artist bilan bog‘lanib, yahudiy xalqiga qarshi oldingi gaplari uchun omma oldida kechirim so‘rash imkoniyatini berishga harakat qilishgan, ammo rad javobini olishgan. Shundan so‘ng Maykl Novaxov AQSh Davlat kotibi Marko Rubioga rasmiy maktub yo‘llab, Usmonovaning Amerikaga kirish huquqini qayta ko‘rib chiqishni va uning vizasini bekor qilishni talab qilgan.

Norozilik bildiruvchilarning ayniqsa qattiq g‘azabiga konsert sanasi sabab bo‘lmoqda. 9-may – natsistlar Germaniyasi ustidan g‘alaba kuni bo‘lib, ularning fikricha, bu qo‘shimcha haqoratdir.

4-may, dushanba kuni soat 11:00 da “Okean” teatri binosi oldida norozilik namoyishi o‘tkazilishi rejalashtirilgan. Faollar tadbirni butunlay bekor qilishga erishmoqchi bo‘lib, AQShga kirish imtiyoz ekanligini va nafrat targ‘ibotiga jamoat joyida o‘rin yo‘qligini ta’kidlamoqda.

Tashkilotchilarning ma’lumotiga ko‘ra, konsertga barcha chiptalar to‘liq sotilgan. Xonandaning o‘zi esa hozircha vaziyatga izoh bermagan.

Source: podrobno.uz