Octobank Janubiy Koreyadan pul mablag‘larini qabul qilishni E9PAY mobil ilovasi orqali yo‘lga qo‘ydi. Endilikda foydalanuvchilar to‘g‘ridan-to‘g‘ri HUMO kartalariga pul jo‘natishlari mumkin — tez, qulay va bir zumda.

Bank xalqaro pul o‘tkazmalari bo‘yicha hamkorlik tarmog‘ini kengaytirib, mijozlariga dunyoning turli mamlakatlaridan qulay moliyaviy operatsiyalarni amalga oshirish imkoniyatini yaratmoqda.

E9PAY tezkor onlayn o‘tkazmalar xizmati bir necha bosqichda xalqaro pul jo‘natmalari uchun qulay va talabgir yechim hisoblanadi. Octobank ushbu operatsiyalarni qabul qilish va qayta ishlash bo‘yicha ishonchli hamkor sifatida barqarorlik, xavfsizlik va tezkorlikni ta’minlaydi.

Pul jo‘natish tartibi: E9PAY ilovasini yuklab olish, ro‘yxatdan o‘tish, jo‘natma miqdori va HUMO karta raqamini kiritish, to‘lovni tasdiqlash — mablag‘ bir zumda qabul qiluvchiga yetib boradi.

Eslatib o‘tamiz, avvalroq Octobank Xitoyda mashhur Alipay+ to‘lov tizimi orqali to‘lovlarni amalga oshirish imkoniyatini yaratgan edi. Xalqaro to‘lov yechimlarini rivojlantirish bankning transchegaraviy operatsiyalar imkoniyatlarini kengaytirish va butun dunyo bo‘ylab mijozlar uchun qulaylikni oshirish strategiyasining muhim qismi bo‘lib qolmoqda.

Source: podrobno.uz