Invento the Uzbek International School o‘z tarixidagi ilk bitiruv marosimini o‘tkazdi. Tadbir nafaqat 12-sinf bitiruvchilari, balki 5- va 10-sinf o‘quvchilari uchun ham muhim bosqich bo‘ldi.

Marosimda ota-onalar, o‘qituvchilar va maktab hamkorlari ishtirok etdi. Ekranda maktab hayotining eng yorqin lahzalari – loyihalar, g‘alabalar, ochiq darslar va do‘stlik aks etgan videolar namoyish etildi.

Maktab asoschisi va bosh direktori Zulfiya Jaxongirovna Obidova bitiruvchilarga murojaat qilib, ularni yangi hayot bosqichi bilan tabrikladi: “Bugun siz hayotingizning yangi sahifasi ostonasida turibsiz. Qayerda bo‘lmasangiz, Invento sizning tarixingizning bir qismi bo‘lib qoladi”.

Ijrochi direktor Aleksey Semyonov bitiruvchilarning mehnati va intizomini alohida ta’kidlab, ularning dunyoning yetakchi universitetlariga qabul qilingani maktabning muvaffaqiyati ekanini aytdi.

Bitiruvchilar 40 dan ortiq xorijiy universitetlardan taklif oldi, jumladan University of Birmingham, University of Leeds, Pennsylvania State University, KU Leuven, University of Wisconsin–Madison, University of Exeter va University of Western Australia. Ko‘plab talabalar grantlar bilan taqdirlandi.

Marosimning muhim qismi “Invento Legacy Book” – bitiruvchilar kitobining imzolanishi bo‘ldi. Birinchi bitiruv o‘z nomlarini maktab tarixiga abadiy kiritdi.

Eng tantanali lahza – akademik shapkalarning havoga ko‘tarilishi edi. Zaldagi barcha mehmonlar qarsaklar, tabassum va baxt ko‘z yoshlari bilan to‘ldi.

Rasmiy qismdan so‘ng bitiruvchilar maktab yillari haqida film namoyish qildi, xayrlashuv qo‘shig‘ini kuyladi va bitiruv valsi ijro etdi.

Tadbir maktabning ta’limga sarmoya kiritish, shaxsiy rivojlanish va xalqaro imkoniyatlar yaratish borasidagi muvaffaqiyatini namoyish etdi.

Source: uznews.uz