Jahon chempionati muxlislari uchun nafaqat futbol tomosha qilish, balki umumiy his-tuyg‘ularni baham ko‘rish ham muhim. DW nashri ushbu hodisaning psixologik jihatlarini tahlil qildi.

Melburndagi Swinburne universitetining klinik psixologi Keti Vudning ta’kidlashicha, umumiy quvonch va birdamlik lahzalari ruhiy salomatlikni qo‘llab-quvvatlaydi. “Ruhiy salomatligimiz uchun eng katta himoya omili – bu bog‘liqlik, ya’ni o‘zimizga, boshqalarga, jamiyatimizga va madaniyatimizga bo‘lgan aloqadir”, deydi u.

Jahon chempionati davomida turli mamlakatlardan kelgan muxlislar birgalikda quvonadi, formalar almashadi va bir jamoa uchun birga kurashadi. Masalan, Kanzas shtatining Lourens shahrida Jazoir terma jamoasi bazasi joylashgan joyda yuzlab amerikaliklar Jazoir liboslarini kiyib, muxlislik qilishgan.

Vankuverda Shveytsariya va Kolumbiya o‘rtasidagi o‘yindan so‘ng ikki muxlis forma almashgan bo‘lsa, Sietlda Belgiya muxlisi mag‘lubiyatga uchragan amerikalik muxlisni taskin bergan. San-Frantsiskoda esa bir kishi notanish odamning quchoqlab, “Bu Jahon chempionati”, deganini eslaydi.

Vudning so‘zlariga ko‘ra, bunday tadbirlar odamlarga kundalik hayotdan chalg‘ish va umumiy maqsad atrofida birlashish imkonini beradi. “Hatto sevimli jamoasi bo‘lmaganlar ham o‘yinlarni tomosha qilishni yaxshi ko‘radi”, deydi Filadelfiyadagi bir tashrif buyuruvchi.

Source: www.dw.com