️ Farg‘ona turistik-rekreatsion zonasida piyodalar va velosiped yo‘laklari, elektr avtomobillar uchun zaryad stansiyalari, vertolyot maydonchalari, ziplayn va selfi zonalari, turistik va servis ob’yektlari, shuningdek, suvenirlar va oziq-ovqat mahsulotlari uchun savdo maydonlari barpo etiladi. Bu tog‘li hududning boy salohiyati to‘liq ishga solinadi.

️ Bundan tashqari, turistik zonada barcha zarur muhandislik kommunikatsiyalari – elektr energiyasi, suv, internet va avtomobil yo‘llari o‘tkaziladi. Ekologiya va xavfsizlikka alohida e‘tibor qaratiladi: daryo qirg‘oqlari mustahkamlanadi, kanalizatsiya va gaz tarmoqlari, shuningdek, mini va mikro quyosh elektr stansiyalari quriladi.

️ Shohimardon – Yordon va Yordon – Dugoba yo‘nalishlarida zamonaviy arqon yo‘llari, osma ko‘priklar va ziplayn loyihalari amalga oshiriladi. Bu hududda, shuningdek, qishloq xo‘jaligi turizmi faol rivojlantiriladi.

️ Buning uchun “Vodil” agroturistik klasterida malina bog‘lari barpo etiladi va servis ob’yektlari quriladi. Markaziy Farg‘ona suv ombori hududidagi Yozyovon tumanida ham malina plantatsiyalari va rezavorlarni qayta ishlash sexlari paydo bo‘ladi.

️ Prezident Shavkat Mirziyoyevning qaroriga ko‘ra, zona 30 yil muddatga, keyinchalik uzaytirish imkoniyati bilan tashkil etiladi va ichki va agroturizmni rivojlantirishda muhim halqa bo‘lib xizmat qiladi.

Source: podrobno.uz