O‘zbekiston va Qirg‘iziston o‘rtasidagi davlat chegarasini demarkatsiya qilish doirasida ilgari O‘zbekiston hududiga kirgan ikki aholi punkti taxminan 2500 kishi bilan birga Qirg‘iziston tarkibiga o‘tdi. Bu haqda Qirg‘iziston prezidenti matbuot kotibi Askat Alagozov ma’lum qildi.

Gap Farg‘ona viloyati tarkibiga kirgan, etnik qirg‘izlar yashaydigan Chongara va Tosh-Tobo qishloqlari haqida ketmoqda. Tez orada aholini ro‘yxatga olish boshlanadi, shundan so‘ng ularga Qirg‘iziston fuqaroligi beriladi.

Ko‘rsatilgan aholi punktlari evaziga Qirg‘iziston chegaradosh hududdagi maydoni teng bo‘lgan yer uchastkalarini O‘zbekistonga berdi.

Bundan tashqari, Soy qishlog‘idan Toyon qishlog‘iga avtomobil yo‘li qurish uchun davlatlar umumiy maydoni 236 gektar bo‘lgan teng qiymatdagi yer uchastkalarini almashdilar.

Shuningdek, Qirg‘iziston Qozog‘istonga To‘qmoq shahri yaqinidagi 800 metrlik yo‘l uchastkasi bo‘yicha teng qiymatdagi yer uchastkalarini almashish taklifini kiritdi. Ushbu loyihani amalga oshirish Olmaota ko‘chasidan Kemin shahrigacha bo‘lgan taxminan 150 km uzunlikdagi pullik avtomagistralni yaratish imkonini beradi.

Source: uznews.uz