VK, MAX va “Odnoklassniki” ilovalari Apple’ning App Store’dan keyin endi Google Play’da ham mavjud emas. Bu haqda VK matbuot xizmati ma’lum qildi.

VK matbuot xizmati ilova endi Google Play orqali yuklab olish uchun mavjud emasligini tasdiqladi. Biroq, ilovani oldin o‘rnatgan foydalanuvchilar hech qanday cheklovlarsiz xizmatdan foydalanishda davom etishlari mumkin.

Bir qator OAV VK ilovasi Huawei AppGallery do‘konidan ham yo‘qolgani va ijtimoiy tarmoq yangi vk.ru domeniga o‘tayotgani haqida xabar bermoqda.

Avvalroq Yevropa Ittifoqi VK xoldingi va uning tarkibidagi “Kommunikatsion platforma” kompaniyasini — davlat messenjeri Max dasturchisini — sanksion ro‘yxatga kiritgan edi. Yevropa Kengashida aytilishicha, Bryussel fikricha, ikkala tashkilot Rossiyada fuqarolik jamiyati va demokratik muxolifatni bostirishga texnik yordam ko‘rsatgan. Shuningdek, Max messenjeri huquq-tartibot organlariga ma’lumot uzatish va VPN xizmatlariga qarshi kurashish uchun ishlatiladi, deb taxmin qilinmoqda.

Eslatib o‘tamiz, avval Apple App Store’dan VK, “Odnoklassniki”, VK Music, VK Messenger va boshqa kompaniya ilovalarini olib tashlagan edi. O‘shanda VK ilovalar oldindan ogohlantirilmasdan olib tashlanganini va foydalanuvchilarga o‘rnatilgan versiyalarni o‘chirmaslik tavsiya qilingan edi.

Source: podrobno.uz