Omsk shahrida qurilayotgan ko'p qavatli uyda yong'in sodir bo'ldi. Hodisa oqibatida 11 kishi jabrlandi, ularning barchasi O'zbekiston fuqarolari ekani ma'lum qilindi.

Yong'in 15-avgust kuni ertalab Dravert kvartallari mikrorayonida ro'y berdi. Olov binoning birinchi qavatida payvandlash ishlari vaqtida yonib, keyin yuqori qavatlarga tarqaldi. Yong'in maydoni taxminan 1 ming kvadrat metrni tashkil etdi.

Rossiya Tergov qo'mitasining Omsk viloyati bo'yicha boshqarmasi xabariga ko'ra, barcha jabrlanganlar O'zbekistondan kelgan quruvchi-pudratchilar bo'lgan. 11 kishi ham kasalxonaga yotqizilgan.

Dastlabki ma'lumotlarga ko'ra, yong'inga payvandlash ishlari vaqtida izolyatsiya materialining yonishi sabab bo'lgan. Hozirda prokuratura yong'in xavfsizligi va mehnatni muhofaza qilish qonunchiligi talablari qanday bajarilganini tekshirmoqda.

O'zbekiston rasmiylari hozircha voqeaga izoh bermagan. Eslatib o'tamiz, avvalroq 10-avgust kuni Tataristonning Nijnekamsk shahriga uchuvchisiz samolyotlar hujumi oqibatida 8 nafar O'zbekiston fuqarosi halok bo'lgan edi. Ularning jasadlari vatanga qaytarilgan.

Source: podrobno.uz