Qozog'istonning Shuchinsk shahridagi "Markaz plov" kafesida fevral oyida sodir bo'lgan portlash oqibatida 12 kishi halok bo'lgan, 11 kishi jarohatlangan edi. Ushbu fojiadan so'ng sud jarayoni yakunlandi.

2026-yil 26-fevral kuni kafeda gaz balloni portlashi natijasida yong'in kelib chiqqan. Tergov ma'lumotlariga ko'ra, hodisadan bir kun oldin kafega ikkita gaz balloni yetkazilgan bo'lib, ulardan biri me'yordan ortiq to'ldirilgan edi.

Sud aniqlashicha, ballon isitish radiatoriga yaqin joyda saqlangan. Issiqlik ta'sirida ballon ichidagi bosim oshib, devori yorilgan. Keyin portlash va yong'in sodir bo'lgan.

Shuningdek, kafe egasi yong'in xavfsizligi talablarini buzganligi aniqlandi. Gaz ballonlari qoidalarga rioya qilinmagan holda saqlangan, xodimlar esa gaz uskunalaridan foydalanish bo'yicha zarur o'qitishdan o'tmagan.

Gaz to'ldirish shoxobchasi direktori ham aybdor deb topildi. U maishiy gaz ballonlarini kerakli hujjatlarsiz, maxsus jihozlarsiz va o'qitilgan xodimlarsiz to'ldirishga ruxsat bergan.

Natijada uchala ayblanuvchi ham aybdor deb topildi. Kafe egasi va gaz shoxobchasi direktori 7 yildan, ballon yetkazib beruvchi esa 6 yilga ozodlikdan mahrum qilindi. Hukm hali qonuniy kuchga kirmagan.

Source: podrobno.uz