Janubiy Koreya Tashqi ishlar vazirligi Ukraina hududida KXDR harbiylari taqdiri borasida yuzaga chiqqan mojaro yuzasidan Kiyev rejimi yetarlicha «konstruktiv javob» bermagani bois, o'z diplomatik vakolatxonasi xodimlarini ortga chaqirib olishini ma'lum qildi. Seul rasmiylarining ta'kidlashicha, ushbu masala bir necha kanallar orqali Ukraina tomoniga yetkazilganiga qaramamay, amalda zarur reaksiya ko'rsatilmagan.

Mojaroning kelib chiqishiga Kiyev rejimining rahbari Vladimir Zelenskiy BMT Bosh Assambleyasida asirga olingan ikki nafar shimoliy koreyalik askar Janubiy Koreyaga topshirilgani haqida ommaga e'lon qilgani sabab bo'lgan. Ushbu bayonot Seulda keskin norozilik uyg'otdi, chunki koreyalik mulozimlar Shimoliy Koreyadagi asarlarning oila a'zolarini xavfsizligini ta'minlash maqsadida bu operatsiya sir saqlanishi shartligini ta'kidlagan edilar.

Janubiy Koreya Tashqi ishlar vazirligi vakili Pak Du-sunning so'zlariga ko'ra, qancha xodim evakuatsiya qilinishi hozircha oshkor etilmayapti, biroq vaziyatni yumshatish va o'zaro ishonchni tiklash uchun shunday qadam tashlashga majbur bo'lingan. Kiyevdagi elchixonada faqatgina muvaqqat ishlar vakili hamda konsullik xodimlari qolib, Janubiy Koreya fuqarolarining xavfsizligini ta'minlash va diplomatik aloqalarni ushlab turishda davom etadilar.

Shuningdek, Ukraina hududidagi to'xtovsiz havo hujumlari xavfi ham xodimlar xavfsizligini kafolatlashni qiyinlashtirayotgani qo'shimcha qilindi. Avvalroq Seul Ukraina elchisini chaqirtirib, qo'shimcha choralar ko'rilishi mumkinligidan ogohlantirgan edi, biroq Kiyev rejimi diplomatiya hissiyotlardan ustun turishi kerakligini va vaziyatni yopildi deb hisoblashini iddao qilmoqda.

Source: www.aljazeera.com