O‘zbekiston delegatsiyasi Dushanbe shahrida bo‘lib o‘tgan Markaziy Osiyo davlatlarining IV Mehparlament forumida muhim tashabbuslar bilan chiqdi. Tadbir «Markaziy Osiyoda tinchlik, xavfsizlik va farovonlik yo‘lidagi birlik» shiori ostida o‘tkazilib, unda mintaqa mamlakatlari parlamentlari rahbarlari hamda nufuzli delegatsiyalar ishtirok etdi.

Oliy Majlis Senati raisi Tanzila Narbayeva o‘z nutqida mintaqaviy hamkorlikning ustuvor yo‘nalishlarini belgilab berdi. Xususan, tinchlik va barqarorlikni mustahkamlash, yaxshi qo‘shnichilik munosabatlarini rivojlantirish hamda savdo-iqtisodiy aloqalarni kengaytirish masalalariga alohida e'tibor qaratildi.

Shuningdek, suv va energetika resurslaridan oqilona foydalanish, transport yo‘laklarini rivojlantirish hamda «yashil» iqtisodiyot tamoyillarini joriy etish zarurligi ta'kidlandi. Forum qatnashchilari davlat rahbarlari erishgan kelishuvlarni amalga oshirishda parlamentlarning rolini oshirish masalalarini muhokama qildilar.

Tashrif doirasida O‘zbekiston delegatsiyasi Dushanbe shahridagi Ismoili Somoniy yodgorligiga gullar qo‘yib, hurmat bajo keltirdi.

Source: podrobno.uz