Ukraina Bosh prokurori Ruslan Kravchenko Isroilni Rossiya tomonidan bosib olingan hududlardan o‘g‘irlangan donni olib ketayotgan kemani ushlab qolishga chaqirdi. Kravchenko Telegram’da Panormitis kemasi Hayfa portiga yo‘l olgani va undagi donning bir qismi Rossiya bosib olgan Ukraina hududlaridan jo‘natilganini aytdi.

Ukraina va Isroil o‘rtasida keskinlik kuchaymoqda. Kiyev Isroilni kemaga nisbatan chora ko‘rmaganlikda ayblagan bo‘lsa, Isroil Tashqi ishlar vaziri Gideon Saar Ukrainani “Twitter diplomatiyasi” bilan shug‘ullanayotganini ta’kidladi. Saarning so‘zlariga ko‘ra, Ukraina kemani musodara qilish haqidagi rasmiy so‘rovni faqat seshanba kuni kechqurun yuborgan.

Kema boshqaruvchi Gretsiyadagi Royal Maritime Inc kompaniyasi vakili esa Panormitisda Ukraina doni yo‘qligini, barcha hujjatlar yukning Rossiyaga tegishli ekanini ko‘rsatayotganini bildirdi. Kreml esa kemaga oid izoh berishdan bosh tortdi.

Ukraina Prezidenti Volodimir Zelenskiy ushbu yukdan foyda olishga urinayotganlarga qarshi sanksiyalar qo‘llash bilan tahdid qildi. Yevropa Ittifoqi ham Isroilga “Rossiyaning soya floti” kemasi haqida murojaat qilib, Rossiya urushini moliyalashtirishga yordam berayotgan uchinchi davlatlardagi shaxs va tashkilotlarga qarshi sanksiyalar tayyorligini bildirdi.

Ukraina Tashqi ishlar vaziri Andriy Sibiha Isroilni bu masalaga jiddiy qarashga chaqirib, avvalroq Abinsk kemasi bilan bog‘liq vaziyatda Isroil Ukrainaning iltimosiga qaramay, kemani tushirib yuborganini eslatdi.

Source: www.aljazeera.com