Ukraina, Chernobil cheklov hududida yirik o‘rmon yong‘ini davom etmoqda. Favqulodda vaziyatlar xizmati ma’lumotlariga ko‘ra, yong‘in maydoni 1,1 ming gektardan oshgan.

Yong‘inning tez tarqalishiga quruq ob-havo, kuchli shamol va ayrim hududlarda minalarning mavjudligi sabab bo‘lmoqda. Mina xavfi tufayli qutqaruvchilar bir qator o‘rmon massivlarida ishlay olmayapti, bu esa vaziyatni yanada og‘irlashtirmoqda.

Yong‘inni o‘chirishga qutqaruvchilar, maxsus texnika va boshqa xizmatlar jalb etilgan. Ammo olovni to‘liq nazoratga olish hali imkoni yo‘q, tarqalish xavfi saqlanib qolmoqda.

Eslatib o‘tamiz, Chernobil AESdagi portlash 40 yil oldin sodir bo‘lgan va XX asrning eng yirik texnogen falokatlaridan biri bo‘lib, atom energetikasi xavfsizligi haqidagi tasavvurni butunlay o‘zgartirgan edi.

Source: podrobno.uz