13-15 may kunlari qadimiy Buxoro shahri II Osiyo Ayollar Forumi hamda Markaziy Osiyo va Ozarbayjon ayol yetakchilari muloqotining navbatdagi yig‘ilishiga mezbonlik qiladi. Ushbu keng ko‘lamli tadbir mintaqani gender tengligi va ayollar huquqlarini kengaytirish masalalarini muhokama qilish uchun global maydonga aylantiradi.

Forumda ayol parlamentariylar, olimlar, tadbirkorlar, shuningdek, xalqaro tashkilotlar vakillari va yetakchi ekspertlar ishtirok etadi. Tadbirning asosiy maqsadi ayollarning ijtimoiy-siyosiy faolligini oshirish va ushbu sohada xalqaro hamkorlikni mustahkamlashdan iborat.

Uchrashuv dasturi nafaqat munozaralarni, balki Buxoro viloyati salohiyati bilan amaliy tanishishni ham o‘z ichiga oladi. Ishtirokchilar yirik sanoat korxonalari, IT-park, zamonaviy kasb-hunar markazlari va ijtimoiy muassasalarga tashrif buyuradi.

Alohida e’tibor namunaviy mahallalar faoliyati tajribasi va noyob madaniy meros ob’ektlarini saqlashga qaratiladi. Tashkilotchilar forum Osiyo mintaqasida gender muvozanatini ta’minlash bo‘yicha ilg‘or tajriba almashish va yangi yondashuvlarni ishlab chiqishda muhim bosqich bo‘lishini kutmoqda.

Source: podrobno.uz