Rim papasi Leo XIV o‘zining birinchi ensiklikasida sun’iy intellekt (AI) rivojlanishi “qullikning yangi shakllari”ga olib kelishi mumkinligidan ogohlantirdi. “Magnifica Humanitas” (Buyuk Insoniyat) nomli hujjat Vatikanda taqdim etildi.

Papa “geosiyosiy yoki tijorat ustunligini ta’minlash istagi” bilan “kuchli algoritmlar va katta ma’lumotlar to‘plamlari poygasi”ga qarshi chiqdi. U AI ma’lumotlariga egalik faqat xususiy qo‘llarda qolmasligi kerakligini ta’kidladi.

Leo XIV siyosatchilarni ishchilar huquqlarini himoya qilishga, bolalarni texnologiyadan himoya qilishga va AI kompaniyalari o‘rtasidagi raqobatni yumshatishga chaqirdi. “Hamma narsa tezlashayotganda sekinlashtirishga qodir faol siyosiy ishtirok kerak”, dedi u.

Papa “mustahkam huquqiy asoslar, mustaqil nazorat, xabardor foydalanuvchilar va mas’uliyatdan qochmaydigan siyosiy tizim” zarurligini qayd etdi. AI “hukmronlik, istisno va o‘lim quroliga aylanmasligi uchun qurolsizlantirilishi kerak”, dedi u.

Ensiklikada AI bilan bog‘liq qurollarga ham e’tibor qaratildi: “O‘limga olib keladigan qarorlarni texnologiyaga ishonib topshirish mumkin emas”. Papa “adolatli urush” nazariyasini “eskirgan” deb atadi va “hech bir algoritm urushni axloqiy jihatdan maqbul qila olmaydi” dedi.

Taqdimotda qatnashgan Anthropic asoschilaridan biri Kristofer Ola AI kompaniyalari “to‘g‘ri ish qilishga zid keladigan rag‘batlantirish va cheklovlar ichida ishlaydi” deb ta’kidladi. U AI sohasiga tashqi tashkilotlar, jumladan cherkovning aralashuvini olqishladi.

Source: www.aljazeera.com