Rossiya Tashqi ishlar vaziri Sergey Lavrov RT Arabic telekanaliga bergan intervyusida AQSh Davlat kotibi Marko Rubioning Ukrainani qo'llab-quvvatlash haqidagi bayonotlarini keskin tanqid qildi. Uning so'zlariga ko'ra, bu Bayden urushi endi Tramp urushiga aylanganini isbotlaydi.

Lavrovning ta'kidlashicha, AQSh muloqotga tayyor bo'lsa, Rossiya ham tayyor. Biroq u Yevropani hozirgi holatida "kesilgan bo'lak" deb atadi va uning rahbarlari jiddiy muzokaralarga qodir emasligini aytdi. "Ularning ko'plab imkoniyatlari bor edi, ammo hammasini boy berishdi", dedi vazir.

Rossiya tashqi ishlar vaziri Trampning Oq uyga qaytishidan keyin Moskva va Vashington o'rtasidagi muloqot tiklanganini eslatdi. Prezidentlar o'rtasida telefon suhbatlari, Er-Riyodda vazirlar uchrashuvi va Alyaskada sammit bo'lib o'tgan.

Lavrov Trampning Ukrainadagi urushni Bayden urushi deb ataganini, ammo Rubioning Kongressdagi bayonotlari buning aksini ko'rsatayotganini ta'kidladi. "Pentagonning Ukrainani qo'llab-quvvatlash dasturi 2029 yilgacha, ya'ni 3,5 yil oldin tasdiqlangan. Bu Bayden urushi Tramp urushiga aylanganini anglatadi", dedi u.

Rossiya vaziri, shuningdek, AQShning Ukrainadagi roli vositachi emas, balki to'g'ridan-to'g'ri qo'llab-quvvatlovchi ekanligini qayd etdi.

Source: kun.uz