Amerika Qo‘shma Shtatlari Mudofaa vazirligi Xitoyning Alibaba, BYD va Baidu kabi taniqli tijorat brendlarini harbiy kompaniyalar ro‘yxatiga qo‘shdi. Ushbu qaror 2025-yilda 134 ta bo‘lgan ro‘yxatni 188 taga yetkazdi.

Pentagonning “Xitoy harbiy kompaniyalari” ro‘yxati 2021-yilda yaratilgan bo‘lib, undagi firmalar AQSh mudofaa shartnomalarida ishtirok eta olmaydi. Ro‘yxatga kiritish uchun kompaniyalar Xitoy harbiylari tomonidan nazorat qilinishi yoki harbiy-fuqarolik integratsiyasiga hissa qo‘shishi, shuningdek, AQShda faoliyat yuritishi kerak.

Xitoyning Vashingtondagi elchixonasi bu qarorni “kamsituvchi” deb atab, AQSh hukumati milliy xavfsizlik tushunchasini “kengaytirib yuborganini” ta’kidladi. Elchixona vakili xitoylik kompaniyalar xorijda qonunlarga qat’iy rioya qilishini bildirdi.

Alibaba, BYD va Baidu izoh so‘roviga javob bermadi. Ro‘yxatga kiritilgan boshqa kompaniyalar qatorida Shenzhenlik RoboSense Technology va Xanchjoulik Unitree Robotics ham bor.

Ekspert Dennis Uaylder bunday “keng qamrovli” sanksiyalarning samarasizligini ta’kidlab, “Agar AQSh Xitoy iqtisodiyotidan butunlay ajralishga tayyor bo‘lmasa, bu sanksiyalar shunchaki ko‘z-ko‘zlik” ekanini aytdi.

Source: www.aljazeera.com