Prezident Donald Tramp o‘zining Truth Social platformasida AQSh harbiylari Venesuelaning “Tren De Aragua” to‘dasining “mashhur yetakchisi”ni o‘ldirganini e’lon qildi. Ushbu guruh AQSh rejimi tomonidan global “terrorchi” tashkilot va narkotik kontrabandasi karteli deb e’lon qilingan.

Trampning so‘zlariga ko‘ra, operatsiya AQSh Janubiy qo‘mondonligi tomonidan amalga oshirilgan va to‘da rahbari Hektor Rusthenford Gerrero Flores (Niño Guerrero) yo‘q qilingan. Tramp operatsiya Venesuela bilan hamkorlikda o‘tkazilganini ta’kidlagan.

Venesuela hukumati Bolivar shtatidagi operatsiyada ishtirok etganini tasdiqladi va Flores “jinoiy guruhlar bilan to‘qnashuvlar” chog‘ida halok bo‘lganini bildirdi. AQSh Mudofaa vaziri Pit Xegset esa zarba hafta boshida berilganini ma’lum qildi.

“Tren De Aragua” Venesuelaning Aragua shtatidagi mashhur qamoqxonadan kelib chiqqan bo‘lib, u yerdan giyohvand moddalar savdosi va jinoiy tarmoqni boshqargan. Guruhda 7000 ga yaqin a’zo bor va ular Janubiy Amerika hamda AQSh bo‘ylab tarqalgan.

42 yoshli Flores 2023-yilda politsiya reydidan oldin Tokoron qamoqxonasidan qochib ketgan edi. U Nyu-York sudida sirtdan ayblangan. AQSh rejimi Tinch okeani va Karib dengizidagi kichik kemalarga bir qator zarbalar berib, 207 kishini o‘ldirgan, biroq qurbonlarning oilalari ular baliqchi bo‘lganini aytmoqda.

Source: www.aljazeera.com