Ispaniyaning Kartama shahrida turistik poyezd vagonining ag‘darilishi natijasida 17 kishi jarohat oldi. Voqea mahalliy vaqt bilan shanba kuni soat 21:30 dan keyin sodir bo‘lgan, sababi hozircha noma’lum.

Favqulodda xizmatlar jabrlanganlarga joyida yordam ko‘rsatgan, to‘rt kishi, jumladan uch nafar bola yaqin atrofdagi kasalxonaga evakuatsiya qilingan. Mahalliy ma’muriyat ma’lumotlariga ko‘ra, jabrlanganlarning hech biri og‘ir jarohat olmagan.

Bepul poyezd sayohati har yili o‘tkaziladigan “la Ruta de la Tapa y el Cóctel” tadbiri doirasida uyushtirilgan bo‘lib, unda odamlar turli mahalliy korxonalarga tashrif buyurib, ularning taom va ichimliklarini tatib ko‘rishga undaladi. Poyezdda voqea vaqtida 30 ga yaqin yo‘lovchi bo‘lgan.

Ijtimoiy tarmoqlarda tarqatilgan suratlarda bir necha kishi vagonda, favqulodda xizmatlar esa polda o‘tirgan bolaga yordam ko‘rsatayotgani aks etgan. Tadbir 10-14 iyun kunlari bo‘lib o‘tadi va shahar bo‘ylab bir nechta restoran va barlarni o‘z ichiga olgan xaritani taqdim etadi.

Poyezd Santo-Kristo ko‘chasidagi chorrahada burilish paytida ag‘darilgan, mahalliy ma’muriyat favqulodda xizmatlarga bir nechta qo‘ng‘iroqlar tushganini ma’lum qildi. Poyezd xizmati hafta oxiriga to‘xtatilgan, tergov davom etmoqda.

Source: www.bbc.com