AQSh Harbiy havo kuchlarining B-52 Stratofortress bombardimonchi samolyoti Kaliforniyadagi Edwards havo bazasidan havoga ko‘tarilganidan ko‘p o‘tmay quladi. Bu haqda baza ma’muriyati ma’lum qildi.

“Favqulodda xizmatlar voqea joyiga zudlik bilan yetib keldi va vaziyat hali ham davom etmoqda”, — deb yozdi baza dushanba kuni X’dagi postida.

Halok bo‘lganlar yoki jarohatlanganlar bor-yo‘qligi hamda halokat sababi hozircha noma’lum.

B-52 Stratofortress — tovush tezligidan past tezlikda uchadigan bombardimonchi samolyot bo‘lib, yadro qurollarini tashishga qodir. U 70,000 funtgacha (taxminan 31,750 kg) yuk ko‘tara oladi.

AQSh ushbu samolyotni Vetnam, Fors ko‘rfazi, Iroq, Afg‘oniston va hozirgi Erondagi urush kabi mojarolarda ishlatgan.

Har bir samolyotning qiymati taxminan 110 million dollarni tashkil etadi.

Fox News telekanali dushanba kuni efirga uzatgan videoda qutqaruvchilar Edwards havo bazasidagi uchish-qo‘nish yo‘lagining katta qismida yong‘inni o‘chirishayotgani ko‘rsatilgan.

Los-Anjelesdan shimolda joylashgan baza dunyodagi eng katta aerodromga ega. Bu yerda 10,000 ga yaqin harbiy xizmatchilar, pudratchilar va fuqarolik xodimlari ishlaydi.

Source: www.aljazeera.com