AQSh va Eron o‘rtasidagi urushni tugatish bo‘yicha 14 bandlik vaqtinchalik kelishuv matni yuqori martabali amerikalik rasmiy tomonidan jurnalistlarga o‘qib berildi.

Kelishuvga ko‘ra, imzolanishi bilan barcha frontlarda harbiy harakatlar 60 kun muddatga darhol va to‘liq to‘xtatiladi. Tomonlar bir-birlarining suvereniteti va hududiy yaxlitligini hurmat qilishga, shuningdek, ichki ishlariga aralashmaslikka majburiyat oladilar.

Blokada ostida bo‘lgan Hormuz bo‘g‘ozi bosqichma-bosqich ochiladi. Kelishuvning bir qismida Eron tijorat kemalarining bo‘g‘oz orqali xavfsiz o‘tishini ta'minlash uchun “60 kun” davomida hech qanday to‘lovsiz “o‘zining eng yaxshi sa'y-harakatlarini amalga oshirishi” qayd etilgan. Hujjatda harakat “zudlik bilan” boshlanishi, “texnik va harbiy to‘siqlarni” bartaraf etish hamda minalardan tozalash operatsiyalarini o‘tkazish zarurligi hisobga olinishi ta'kidlangan.

Muhim suv yo‘lining yopilishi jahon iqtisodiyotiga jiddiy ta'sir ko‘rsatdi. Vaqtinchalik kelishuvning 8-bandi Eronning yadro dasturi va yadro qurolini ishlab chiqishga bo‘lgan har qanday intilishiga bag‘ishlangan. “Eron Islom Respublikasi yadro qurolini sotib olmasligi yoki ishlab chiqmasligini yana bir bor tasdiqlaydi”, deyiladi memorandumda.

Asosiy kelishuv juma kuni Shveytsariyada rasman imzolanishi kutilmoqda.

Source: www.dw.com