Xitoyning Szansu provinsiyasidagi Chanchjou sudi sobiq yuqori martabali amaldor Yang Yulinni o‘lim jazosiga hukm qildi. U poraxo‘rlik, davlat mablag‘larini talon-taroj qilish, mansab vakolatini suiiste’mol qilish va pul yuvishda ayblangan.

1993 yildan 2023 yilgacha bo‘lgan davrda Yang Yulin Nankin iqtisodiy va texnologik rivojlanish zonasida yuqori lavozimlarda ishlagan. U shartnomalar tuzish, yer bilan bog‘liq operatsiyalar va moliyaviy bitimlarda yordam berish evaziga pora olgan.

Tergov ma’lumotlariga ko‘ra, u 30 yil davomida 2,2 milliard yuandan (taxminan 324 million dollar) ortiq noqonuniy daromad olgan. Bu mamlakatdagi eng yirik korrupsiya ishlaridan biri bo‘ldi.

Sud nafaqat o‘lim jazosini belgiladi, balki uning barcha mulkini musodara qilish va siyosiy huquqlaridan mahrum etishga qaror qildi. Noqonuniy daromadlar davlat foydasiga olib qo‘yildi.

Yang aybini tan olgan va tergov bilan hamkorlik qilgan bo‘lsa-da, sud jazoni yumshatishdan bosh tortdi. Sudya “pora miqdorining haddan tashqari kattaligi va davlat hamda jamiyat uchun og‘ir oqibatlar”ni sabab qilib keltirdi.

Source: podrobno.uz