Britaniya sudyasi seshanba kuni shahzoda Garri Associated Newspapers Limited (ANL) nashriyotining uning shaxsiy hayotiga tajovuz qilganini isbotlay olmaganligi haqida qaror chiqardi. Bu qirollik oilasi a'zosining Britaniya tabloidlariga qarshi so'nggi da'vosi edi.

Garri Daily Mail tabloidini o'zi va rafiqasi Meggining shaxsiy hayoti haqida noqonuniy ma'lumot to'plashda ayblagan edi. Sudya Metyu Niklinning ta'kidlashicha, "gumon, hatto tushunarli bo'lsa ham" qonuniy huquqbuzarlikni isbotlamaydi va ANLga qarshi aniq dalillar yetishmaydi.

Sudya, jurnalistlar bahsli maqolalar va hodisalarning manbalari uchun "qonuniy tushuntirishlar" berganini qayd etdi. ANL vakili seshanba kungi qarorni Daily Mail uchun "oqllanish" deb atadi.

Garri bilan birga musiqachi Elton Jon, aktrisalar Elizabet Xarli va Sadi Frost kabi olti nafar jamoat arbobi ham da'voga qo'shilgan edi. Ular katta miqdorda tovon puli talab qilgan edi. Ba'zi holatlarda sudya, da'vo qilingan huquqbuzarliklardan keyin juda ko'p vaqt o'tganini ta'kidladi.

Bu Garri Buyuk Britaniya ommaviy axborot vositalariga qarshi ochgan uchta da'voning so'nggisi edi. U matbuotni telefonlarni buzish va shaxsiy detektivlarni yollashda ayblagan. Rupert Merdokga tegishli The Sun gazetasiga qarshi bahsli ish o'tgan yili kelishuv bilan yakunlangan edi. 2024 yilda esa sudya telefon tinglash ishida qisman uning foydasiga qaror chiqargan edi.

Source: www.dw.com