Hindiston Bosh vaziri Narendra Modi uch davlatga safari doirasida Yangi Zelandiyaga yetib keldi. Bu Hindiston bosh vazirining 40 yil ichida ushbu mamlakatga birinchi tashrifi bo‘lib, oxirgi marta 1986 yilda Rajiv Gandi tashrif buyurgan edi.

Modining tashrifi davomida Yangi Zelandiya bosh vaziri Kristofer Lakson bilan ikki tomonlama muzokaralar o‘tkazilishi kutilmoqda. Muzokaralarda savdo, iqtisodiyot va mudofaa sohasidagi hamkorlik masalalari muhokama qilinadi.

Tashrifdan bir kun oldin Yangi Zelandiya bosh vaziri Lakson Hindiston bilan erkin savdo kelishuvi imzolanganini e’lon qildi. Unga ko‘ra, Hindistonga eksport qilinadigan mahsulotlarning 57 foizi birinchi kundan boshlab bojdan ozod etiladi.

Lakson o‘zining X ijtimoiy tarmog‘idagi sahifasida “Yangi Zelandiya biznesi Hindiston bilan savdo kelishuvi tufayli gullab-yashnaydi”, deb yozdi. Kelishuv Hindiston eksportining 100 foiziga bojlarni bekor qilishni va Yangi Zelandiya eksportining 95 foiziga tariflarni kamaytirishni nazarda tutadi.

Modining Indoneziya, Avstraliya va Yangi Zelandiyaga safari Hindistonning Hind-Tinch okeani strategiyasini mustahkamlashga qaratilgan. Avstraliyada u muhim minerallar, mudofaa va qishloq xo‘jaligi bo‘yicha bir qator shartnomalar imzolagan.

Source: www.dw.com