Ispaniya terma jamoasi Jahon chempionati chorak finalida Belgiyani 2:1 hisobida mag‘lub etib, yarim finalga yo‘l oldi. O‘yinning 88-daqiqasida zaxiradan maydonga tushgan Mikel Merino hal qiluvchi golni urdi.

Merino 86-daqiqada maydonga tushdi va ikkinchi tegishidayoq gol urdi. U Pau Kubarsining jarima maydoni tashqarisidan bergan zarbasidan so‘ng qaytgan to‘pni darvozaga joyladi. Arsenal hujumchisi avvalroq Portugaliyaga qarshi 1/8 finalda ham qo‘shimcha vaqtda g‘alaba keltirgan edi.

Belgiya darvozaboni Tibo Kurtua 71-daqiqada son mushagi jarohati tufayli maydonni tark etdi va uning o‘rniga “Manchester Yunayted” posboni Senne Lammens tushdi. Aynan Lammensning xatosi Ispaniyaga g‘alaba keltirdi.

Ispaniya hisobni 30-daqiqada Fabian Ruiz ochdi. Kurtua Dani Olmoning zarbasini qaytargan edi, ammo Ruiz qaytgan to‘pni darvozaga joyladi. Biroq Belgiya hujumchisi Sharl De Ketelare 41-daqiqada boshi bilan gol urib, hisobni tenglashtirdi.

Bu gol Ispaniyaning Jahon chempionatida o‘tkazib yubormagan 649 daqiqalik rekord seriyasini tugatdi. Yarim finalda Ispaniya turnirning favoriti Fransiya bilan 9-iyul kuni Dallasda to‘qnash keladi.

Source: www.aljazeera.com