AQSh harbiy kuchlari Eron hududiga yangi zarbalar berdi. Markaziy qo‘mondonlik (CENTCOM) ma’lum qilishicha, hujumlar “Eronning tijorat kemalariga hujum qilish qobiliyatini pasaytirish” maqsadida amalga oshirilgan.

Zarbalar AQSh prezidenti Donald Trumpning buyrug‘i bilan berilgan. Eronning janubi-g‘arbiy qismidagi Bandar-Abbos va Bushehr shaharlarida portlashlar eshitilgan.

Eron Tashqi ishlar vazirligi AQShning bu harakatlarini “diplomatik sa’y-harakatlarni bekor qilgan” deb baholadi. Vazirlik bayonotiga ko‘ra, AQSh zarbalari “Hormuz bo‘g‘ozida xavfsizlikni yo‘qotib, xalqaro dengiz savdosini izdan chiqardi”.

Tehron rasmiylari Vashingtonni “Eronning bo‘g‘ozda zarur choralarni ko‘rishiga ochiq aralashish”da aybladi.

Eron, shuningdek, AQShni ikki davlat o‘rtasidagi kelishuvni buzganlikda aybladi. Vaziyat keskinlashgan sari, mintaqadagi beqarorlik kuchaymoqda.

Source: www.dw.com