Litva Seymi qonunchilikka o‘zgartirishlar kiritib, davlat organlari poligrafda tekshiruv talab qilishi mumkin bo‘lgan shaxslar ro‘yxatini kengaytirdi.

Yangi normalarga ko‘ra, endi bu ro‘yxatga chet el fuqarolari ham kiritilgan. Litva nashri LRT xabariga ko‘ra, yolg‘on detektorida tekshiruv Litvada yashash uchun ruxsatnoma olish yoki uzaytirish uchun hujjat topshirgan chet elliklarga nisbatan qo‘llanilishi mumkin.

Jarayon faqat migratsiya departamentida ma’lum bir shaxs davlat xavfsizligiga tahdid solishi mumkinligi haqida asosli shubha paydo bo‘lgan hollarda boshlanadi. Qonunda rad etish oqibatlari aniq belgilangan: agar chet ellik poligraf testidan o‘tish taklifini rasman rad etsa, u avtomatik ravishda mamlakat xavfsizligiga tahdid soluvchi shaxs deb tan olinadi.

Chet el fuqarolaridan tashqari, yangi qonun normalari Litva ichidagi mansabdor shaxslarni yolg‘on detektorida tekshirish asoslarini ham kengaytiradi. O‘zgartirishlar mualliflarining ta’kidlashicha, asosiy maqsad milliy xavfsizlikni ta’minlash choralarini kuchaytirishdir.

Ushbu qadamlar hukumat tomonidan joriy geosiyosiy vaziyat, dushman davlatlarning razvedka xizmatlari faolligi va yollash holatlari sonining ortishini hisobga olgan holda qabul qilingan. Ba’zi ma’lumotlarga ko‘ra, Litvada hozirda 10 mingdan ortiq o‘zbekistonlik istiqomat qiladi.

Source: podrobno.uz