FIFA 2026 yilgi futbol bo‘yicha jahon chempionatidan 15 milliard dollar daromad oldi, bu dastlabki 11 milliard dollarlik prognozdan 4 milliardga ko‘p. Bu haqda The Guardian nashri xabar berdi.

Rekord daromad mehmonxona paketlari savdosi va chiptalarning ikkilamchi bozorini monetizatsiya qilish hisobiga ta’minlandi. FIFA rasmiy platformasi orqali chiptalarni qayta sotishda xaridor va sotuvchidan 15% komissiya undirgan.

Final o‘yini chiptalariga bo‘lgan talab yuqori bo‘lgan. Ispaniya va Argentina o‘rtasidagi final Nyu-Jersida bo‘lib o‘tgan. Trophy Lounge toifasidagi VIP-chiptalar narxi kishi boshiga 34,5 ming dollarga yetgan.

Daromadning bir qismi milliy futbol assotsiatsiyalari o‘rtasida taqsimlanishi rejalashtirilgan, biroq mablag‘larni taqsimlash mexanizmi hali muhokama qilinmoqda.

The Guardian’ning yozishicha, qo‘shimcha to‘lovlar AQSh terma jamoasi hujumchisi Folarin Balogunning diskvalifikatsiyasini sinov muddatiga almashtirish qaroridan keyin yuzaga kelgan keskinlikni kamaytirishi mumkin. Yevropa futbol assotsiatsiyalari bu qarorni siyosiy ta’sir deb tanqid qilgan.

Chempionatning tijoriy muvaffaqiyati AQShning 2038 yilgi jahon chempionatiga da’vogarlik pozitsiyasini mustahkamladi. Shuningdek, 2029 yilgi klublar o‘rtasidagi jahon chempionatini o‘tkazish bo‘yicha muzokaralar olib borilmoqda.

Eslatib o‘tamiz, 2026 yilgi jahon chempionati g‘olibi Ispaniya terma jamoasi bo‘lib, finalda Argentinani mag‘lub etgan. Asosiy vaqtda argentinaliklar raqib darvozasiga hech qanday zarba bermagan.

Source: podrobno.uz