Singapurning musulmon ishlari bo‘yicha amaldagi vaziri Faishal Ibrohim ayol bilan munosabatlari sabab iste’foga chiqdi. Bosh vazir Lourens Vongning ma’lum qilishicha, ular asosan onlayn xabarlar orqali muloqot qilgan va jamoat tadbirlarida uchrashgan.

Ikkala tomon bir-birini ta’qib qilishda ayblagan va bu holat politsiya tomonidan tekshirilmoqda. Biroq Vongning so‘zlariga ko‘ra, hech qanday jinoiy huquqbuzarlik aniqlanmagan va jinoiy ish qo‘zg‘atilmagan.

Faishal Ibrohim 2006 yildan beri parlament a’zosi va 2025 yilda musulmon ishlari bo‘yicha vazir etib tayinlangan edi. U hukmron Xalq Harakati partiyasidan ham, vazirlik lavozimidan ham voz kechdi.

Iste’fo maktubida Faishal: “Jismoniy munosabat bo‘lmagan bo‘lsa-da, o‘zaro muloqotni boshqarishda xatolikka yo‘l qo‘ydim va chegaralarni aniq belgilay olmadim”, deb yozgan.

Bu voqea Singapur siyosatidagi so‘nggi janjallardan biri bo‘lib, avvalroq transport vaziri poraxo‘rlikda ayblanib, 380 ming dollar miqdoridagi sovg‘alarni qabul qilgani uchun sudlangan edi.

Source: www.aljazeera.com