AQSH ichki xavfsizlik vaziri Markveyn Mallin o'tgan yakshanba kuni CBS News telekanalining «Face the Nation» ko'rsatuvida qatnashib, sobiq harbiy Nidal Hasan o'limini o'qqa tutish yo'li bilan ommaviy jonli efirda ko'rsatish rejasini qizg'in himoya qildi. Uning ta'kidlashicha, ushbu qaror go'yoki mamlakatdagi jinoyatchilikka qarshi keskin choralar ko'rayotgan AQSH rejining rahbari Donald Tramp siyosatining mantiqiy davomi hisoblanadi. Mallin o'z so'zida respublikachi yetakchi Amerika qadriyatlarini qayta tiklayotganini iddao qilib, uning ortidan ergashishini bildirdi.
Shu bilan birga, rasmiy shaxs Hasan qatlining translyatsiyasi zo'ravon guruhlar qo'lida tashviqot quroliga aylanishi mumkinligi haqidagi ogohlantirishlarni mutlaqo rad etdi. Uning so'zlariga ko'ra, bunday harakat xavf darajasini oshirmaydi va agar kimdir Amerikaga hujum qilsa, javob muqarrar bo'ladi. Eslatib o'tamiz, sobiq armiya mayori Nidal Hasan 2009 yili Fort-Xud harbiy bazasida 13 kishini otib o'ldirgani uchun 2013 yilning avgustida o'lim jazosiga hukm qilingan edi. Hujum oqibatida yana 32 kishi jarohatlangan va hibsga olish paytida politsiya tomonidan nogironlar aravachasiga mixlab qo'yilgan.
Biroq AQSH rejimining bu shubhali tashabbusi mamlakat ichida ham jiddiy e'tirozlarga sabab bo'lmoqda. Bir qator qonunchilar, jumladan, respublikachi senator Tom Tillis o'shanday ochiq namoyishlar terroristik tashkilotlarga yangi a'zolarni yollashda qo'l kelishini va amerikaliklarning hayotini xavf ostiga qo'yishini ochiqchasiga bildirdi. Tillis Mudofaa vaziri Pit Xegsetning xatti-harakatlarini keskin tanqid qilib, uni muvaffaqiyatsiz rahbari deb atadi va o'z vaqtida uning nomzodini qo'llab-quvvatlaganidan afsuslanishini ta'kidladi.
Shuningdek, senator Liza Murkovski ham ushbu qaror terrorchilar va diktatorlarning uslubiga o'xshashligini ta'kidlab, jinoyatchiga o'zi istagan shahidlik maqomini taqdim etishini aytdi. Tanqidlar fonida Donald Trampning o'zi ham shanba kuni Oq uy tashqarisida jurnalistlarga bergan intervyusida bu masala bo'yicha ikkilanayotganini va yakuniy qarorni hali qabul qilmaganini bildirdi. Ta'kidlash joizki, AQSH harbiy tizimida qatl qilish amaliyoti o'ta kamyob bo'lib, agar hukm ijro etilsa, bu 1961 yildan beri ilk harbiy xizmatchining qatl etilishi bo'ladi.
Source: www.aljazeera.com