Nyu-York okrug sudi sudyasi Jennifer Rochon yakshanba oqshomida mamlakat rahbariyati tomonidan soliq to'lovchilar mablag'lari hisobidan moliyalashtirilgan telereklamalarni namoyish etishni zudlik bilan to'xtatish haqida vaqtinchalik buyruq chiqardi. Ushbu shubhali reklama kampaniyasi sentyabr oyining oxiridan beri faol ravishda efirga uzatilib, jamiyatda jiddiy e'tirozlar va ikki partiyali keskin tanqidlarga sabab bo'lgan edi.

Bahsli roliklarda AQSh rejimining rahbari Donald Tramp o'z siyosatini targ'ib qilib, kommunizm xavfi hamda «globalistlarga» qarshi «hal qiluvchi jang» haqida ogohlantirgani aytilmoqda. Reklamalar oxirida ular uchun AQSh hukumati tomonidan haq to'langani haqida ogohlantiruvchi yozuv qo'yilgan. Mazkur tashabbus uchun Milliy xavfsizlik departamenti soliq to'lovchilarning naqd 20 million dollar mablag'ini yo'naltirgani ma'lum qilindi.

Sudya Rochon bu reklamalarni mablag'larni noqonuniy o'zlashtirish va sarflash deb atadi hamda «Common Cause» nodavlat tashkiloti boshchiligidagi da'vogarlar koalitsiyasini qo'llab-quvvatladi. Da'voni qo'llab-quvvatlagan yuristlarning fikricha, bu harakatlar Kongress tomonidan ajratilgan mablag'larni «targ'ibot yoki tashviqot» maqsadida ishlatishni taqiqlovchi federal qonunlarni ochiqdan-ochiq buzadi.

O'z navbatida, Tramp rejimining vakillari va Adliya departamenti vaqtinchalik taqiq ortiqcha ekanini, chunki shubhali kampaniya o'z-o'zidan yakunlanishini da'vo qilganiga qaramay, sud qaroriga amal qilishga majbur bo'ldi. Oq uy avvalroq mazkur reklamalarni kelgusida prezident siyosiy qo'mitasi moliyalashini, biroq xalq cho'ntagidan ketgan millionlab dollarlar qaytarilmasligini ma'lum qilgandi.

Source: www.dw.com