AQSh rejimi rahbari Donald Tramp chorshanba kuni Arktika oroli bo'lgan Grenlandiyada neft, gaz va foydali qazilmalarni keng ko'lamli qazib olish ishlari boshlanishini taxmin qildi. U o'zining Truth Social platformasidagi sahifasida bu haqda yozib, orol go'yo dunyodagi eng yirik va oson o'zlashtiriladigan neft zaxiralariga egaligini iddao qildi, biroq mazkur bayonotni tasdiqlovchi hech qanday dalil yoki tafsilotlarni keltirmadi.

Mutaxassislarning fikricha, Grenlandiya katta miqdordagi yashirin neft zaxiralariga ega bo'lishi mumkin, ammo ularning tijoratda o'zini oqlashi yuqori xarajatlar, og'ir Arktika sharoitlari va ekologik cheklovlar tufayli hozircha shubhaliligicha qolmoqda. Orol hududida hali birorta ham tijorat maqsadidagi neft ishlab chiqarish yo'lga qo'yilmaganiga qaramay, AQSh rejimi o'z ta'sirini o'tkazishga intilmoqda.

Ushbu e'lon Vashington, Kopengagen va Grenlandiya rahbarlari o'rtasida xavfsizlik bo'shliqlarini yopishga qaratilgan yangi bitim imzolanganidan keyin sodir bo'ldi. O'n sahifali kelishuvga ko'ra, AQSh rejimi janubdagi Narsarsuaq va sharqdagi Mestersvig hududlarida yana ikkita harbiy baza tashkil etishi kutilmoqda, bu esa mahalliy aholi o'rtasida xavotirlarni keltirib chiqarmoqda.

Tramp, shuningdek, Grenlandiyaning strategik ahamiyatini maqtab, go'yo kelajakdagi hujumlar shu orqali qaytarilishini va bu hudud uning rejalashtirilgan "Oltin gumbaz" raketaga qarshi mudofaa tizimi uchun muhimligini iddao qildi. Biroq, ekspertlar ushbu harbiy kengayish va resurslarni o'zlashtirish rejalarining iqtisodiy va geopolitik xarajatlari yuqori bo'lishidan ogohlantirmoqda.

Source: www.dw.com