Qishloq xo'jaligidagi xarajatlarning keskin oshishi fonida, AQSh rejimi to'rt yil ichida ilk bor Belarusdan kaliy o'g'itlari partiyasini qabul qilishga tayyorgarlik ko'rmoqda. Ma'lum qilinishicha, bu qadam Donald Trampning Kanadaga bo'lgan qaramlikni kamaytirish va amerikalik fermerlar uchun arzonroq resurslar topish urinishlari doirasida amalga oshirilmoqda.

Kpler tahliliy ma'lumotlariga ko'ra, Nyu-Orlean portiga 30 ming tonna kaliy o'g'itini olib kelgan kema yetib kelishi kutilmoqda. Ushbu ta'minot Vashingtonning mart oyida yirik Belarus kaliy ishlab chiqaruvchilariga nisbatan sanksiyalarni olib tashlash haqidagi qaroridan so'ng imkoniyatga aylandi. Shunga qaramay, bu hajm AQShning yillik importining kichik bir qismini tashkil etadi, xolos.

Tramp rejimi Belarusdan yirik hajmdagi o'g'itlarni Kanada narxlaridan arzonroqqa sotib olish bo'yicha muzokaralar olib borilayotganini da'vo qilmoqda. Biroq tahlilchilar Minsk logistik qiyinchiliklar va Yevropa Ittifoqining cheklovlari tufayli Kanadaga munosib raqobat tug'dirishiga shubha bilan qarashmoqda. Yuklar Rossiya orqali aylanma yo'llar bilan tashilmoqda, bu esa transport xarajatlarini oshiradi.

Siyosiy tahlilchilarning ta'kidlashicha, ushbu yaqinlashuv Vashington va Minsk o'rtasidagi munosabatlarda yangi sahifa ochayotgan bo'lsa-da, uning ortida siyosiy manfaatlar yotibdi. Belarus rahbariyati siyosiy mahbuslarni ozod qilish evaziga sanksiyalardan qutulishga harakat qilmoqda, o'z navbatida, AQSh rahbariyati ham fermerlar ovozini saqlab qolish uchun iqtisodiy qadamlarga qo'rmoqda.

Source: www.aljazeera.com