Kipr sudi besh yulduzli mehmonxonada ikki yoshli farzandining to'rtinchi qavat oynasidan qulab tushishiga sabab bo'lgan britaniyalik otaga nisbatan hukm chiqardi. 37 yoshli Joshua Foster ehtiyotsizlik va xavfli harakat oqibatida odam o'limiga sabab bo'lganini tan oldi va 3 ming yevro miqdorida jarimaga tortildi.

Sud majlisida aniqlanishicha, fojia oilaning ta'tilining birinchi kuni, 12-iyul kuni sodir bo'lgan. Foster o'g'lini akvapark ko'rinishini ko'rsatish maqsadida ochiq bo'lgan deraza tokchasiga o'tirqizgan va go'yo oyna yopiq deb o'ylagan. U bolani ushlab qolishga ulgurmagan va bola 12 metr balandlikdan pastga qulab tushgan.

Hakim Froso Xristodouliduning so'zlariga ko'ra, bu "fojiali oqibatlarga olib kelgan vaqtinchalik xato" bo'lgan, biroq sudlanuvchi ataylab xavf yaratmaganini ta'kidlagan. Shuningdek, sudya farzandidan ayrilgan ota uchun bundan ortiq og'ir jazo yo'qligini qayd etgan.

Ayblanuvchining advokati Aleksandros Aleksandrou ish umuman sudgacha yetib kelmasligi kerakligini aytib, uning mijozi sakkiz kun davomida hibsda saqlanganidan shikoyat qildi. Sud qaroridan so'ng Foster uyiga qaytib, xotini va qizi bag'iriga kirishini ma'lum qildi.

Source: www.bbc.co.uk