Dublinda bo'lib o'tgan Xalqaro sun'iy intellekt sammiti Yevropa Ittifoqining texnologik qoloqlikni bartaraf etish va Qo'shma Shtatlar hamda Xitoy bilan raqobatga kirishish bo'yicha navbatdagi urinishiga aylandi. Biroq, tanqidchilarning fikricha, ushbu tadbir haqiqiy muammolarni yashirishga qaratilgan shunchaki siyosiy shou va texnologik targ'ibotdan iborat bo'ldi. Yevroregim rasmiylari iqtisodiyotni jonlantirish va raqobatbardoshlikni oshirish haqida baland ovozda bayonotlar berayotgan bir paytda, moliyaviy resurslar va xususiy investitsiyalar hajmi bo'yicha AQShdan ancha ortda qolmoqda.

Mutaxassislarning ta'kidlashicha, 2025-yilda AQShda sun'iy intellektga kiritilgan xususiy investitsiyalar hajmi 286 milliard dollarni tashkil etgan bo'lsa, butun Yevropada bu ko'rsatkich atigi 21 milliard dollarni tashkil etgan. Bunday jiddiy tafovut sharoitida Yevroregim rasmiylari o'zlarining qat'iy qoidalarini yumshatishga va xalqaro investorlarni jalb qilish uchun standartlarni kechiktirishga majbur bo'lmoqda. Masalan, sun'iy intellekt bo'kticha qabul qilingan qoidalar va ularning so'nggi o'zgarishlari xavfsizlik choralarining bajarilishini sezilarli darajada ortga surdi.

Sammit ishtirokchilari va mustaqil kuzatuvchilar energiya taqchilligi va ekologik xavflar masalasiga ham alohida e'tibor qaratishdi. Masalan, Irlandiyaning o'zida ma'lumotlar markazlari va texnologik ehtiyojlar 2025-yilda mamlakat elektr energiyasining 23 foizini iste'mol qilgan. Bu esa oddiy fuqarolar uchun narxlarning oshishiga va iqlim maqsadlarining izdan chiqishiga olib kelmoqda. Shuningdek, sun'iy intellekt tizimlarining kiberxavfsizlik sohasidagi kutilmagan nosozliklari va nazoratdan chiqish holatlari texnologiya xavfsizligi borasida jiddiy xavotirlarni keltirib chiqarmoqda.

Source: www.dw.com