Isroil fuqarolari mamlakat tarixidagi 26-Knessenni saylash uchun 27-oktabr kuni saylov uchastkalariga yo‘l olishadi. Ushbu umummilliy ovoz berish jarayoni G‘azodagi falastinliklarga qarshi harakatlar hamda Livan va Eron bilan kechgan ziddiyatlardan keyingi ilk keng ko‘lamli siyosiy sinov bo‘lib turibdi. Markaziy saylov qo‘mitasi ma’lumotlariga ko‘ra, 18 yoshga to‘lgan taxminan 7,3 million fuqaro ovoz berish huquqiga ega bo‘lib, saylov kuni mamlakatda dam olish kuni deb e'lon qilingan.
Mamlakatni rekord darajada — 19 yil davomida boshqarib kelgan amaldagi bosh vazir Binyamin Netanyaxu korrupsiyada ayblanib sudlanayotganiga qaramasdan, o‘z lavozimini saqlab qolish uchun yana kurashga kirishgan. U boshchilik qilayotgan «Likud» partiyasi va o‘ta o‘ng qanot koalitsiyasi yahudiy yetakchiligidagi muholifat bloki bilan keskin raqobat olib bormoqda. Ijtimoiy so‘rovlar shuni ko‘rsatmoqdaki, taraflarning hech biri 120 o‘rinli Knessenda mustaqil ravishda zarur bo‘lgan 61 ta o‘rinni qo‘lga kirita olmaydi.
Saylov tizimining o‘ziga xos xususiyatlariga ko‘ra, fuqarolar alohida nomzodlarga emas, balki partiyalarga ovoz berishadi. Parlamentga kirish uchun 3,25 foizlik saylov chegarasidan o‘tish talab etiladi, yetarli ovoz to‘play olmagan siyosiy kuchlarning ovozlari esa kuyib ketadi. Natijada kichik partiyalar har safar birlashishga majbur bo‘lmoqda. Saylovdan keyin koalitsiya tuzish uchun 28 kun, zarur bo‘lsa yana 14 kun vaqt beriladi, aks holda yana qayta saylov o‘tkazilishiga to‘g‘ri keladi.
Shu bilan birga, saylov jarayoni keskin ijtimoiy va siyosiy ziddiyatlar fonida o‘tmoqda. G‘azo, G‘arbiy Sohil va Sharqiy Quddusda yashovchi uch millionga yaqin voyaga yetgan falastinliklar o‘z hududlaridagi harakat va huquqiy maqomini belgilovchi ushbu hokimiyatni saylash huquqidan mahrum. Shu bilan birga, G‘arbiy Sohildagi yuz minglab isroillik ko‘chmanchilar parlament saylovlarida to‘laqonli qatnasha oladi, bu esa hududda chuqur kamsitish holatlarini keltirib chiqarmoqda.
2019-yildan beri davom etib kelayotgan siyosiy beqarorlik fonida bu galgi saylovlar so‘nggi 38 yil ichida ilk bor Knessev vakolat muddatining to‘liq yakuniga yetgan holda o‘tkazilayotgani bilan ahamiyatlidir. Biroq tahlilchilar va xorijiy kuzatuvchilar Isroil rejimi duch kelgan ichki bo‘linishlar va xalqaro bosimlar hukumat tuzish jarayonini yana-da murakkablashtirishini taxmin qilishmoqda.
Source: www.aljazeera.com