Qo‘shma Shtatlarda siyosiy arboblarga nisbatan xavfsizlik tahdidlari keskin kuchayib borayotgani fonida, AQSh Kongressi vakili Ilhon Umar Vashington shahridagi qarorgohini xavfsizlik yuzasidan tark etishga majbur bo‘ldi. Ushbu qaror uning uyida huquq-tartibot idoralari tomonidan o‘tkazilgan shov-shuvli tintuvlardan so‘ng qabul qilindi.

O‘tgan hafta AQSh federal agentlari Umar xonimning uyida Adliya vazirligi vakili «sud tomonidan tasdiqlangan tintuv orderi» deb atagan hujjat asosida maxsus amaliyot o‘tkazgan edi. Rasmiylarning iddaosiga ko‘ra, mazkur reyd «davom etayotgan federal jinoiy tergov» doirasida amalga oshirilgan, biroq tafsilotlar hozircha to‘liq ochiqlanmagan.

NBC News telekanalining xabar berishicha, tergov jarayoniga yaqin manbalarga tayanib, Kongress vakiliga nisbatan immigratsiya hujjatlarida soxta ma'lumotlar kiritish hamda til biriktirish ayblovlari qo‘yilishi ehtimoli bor. Somali davlatida tug‘ilgan va musulmon bo‘lgan Ilhon Umar uzoq yillar davomida o‘zining immigratsion maqomi bilan bog‘liq turli siyosiy bahslar markazida bo‘lib kelgan.

Vashington rejimining rahbarlari, jumladan Donald Tramp uni muntazam ravishda tanqid qilib, uning faoliyatiga nisbatan keskin noroziligini bildirib kelgan. Ilhon Umar esa o‘ziga qo‘yilayotgan barcha iddaolarni qat'iyan rad etib, ularni siyosiy asoslangan uydirmalar deb atagan.

Siyosatchining ta'kidlashicha, uning manzili ommaga oshkor bo‘lib qolgani va muntazam ravishda o‘lim bilan tahdidlar kelayotgani sababli endilikda o‘sha uyda yashashning iloji qolmagan. Ayniqsa, farzandlarining xavfsizligi va ularni kuzatib yurish holatlari bu qarorga asosiy sabab bo‘lgan.

Source: www.aljazeera.com