Keniya Sog'liqni saqlash vazirligi mamlakatda xavfli Ebola virusidan yana bir inson vafot etganini ma'lum qildi. Ushbu 65 yoshli ayol o'tgan oyda mazkur xastalikdan vafot etgan erkakning yaqin qarindoshi bo'lgani aytilmoqda.

Rasmiylarning iddao qilishicha, marhuma Nayrobi shahridagi karantin hududida bo'lgan vaqtida uning organizmida virus alomatlari namoyon bo'la boshlagan. Shundan so'ng u poytaxtdagi yuqumli kasalliklar bo'limiga yotqizilib, unga zarur tibbiy yordam ko'rsatilgan, biroq shifokorlarning sa'y-harakatlariga qaramay, u o'lim topgan.

Vrachlar va mahalliy idoralar hozirgi kunda yana yetti nafar bemor davolanishda davom etayotganini bildirishmoqda. Mutaxassislar vaziyat nazorat ostida ekanini va virus keng tarqalmaganini ta'kidlashga urinayotgan bo'lsa-da, Afrika mintaqasidagi epidemiologik tanglik chuqurlashib borayotgani jiddiy xavotir uyg'otmoqda.

Ushbu xavfli epidemiya o'tgan may oyida Kongoda boshlangan bo'lib, keyinchalik qo'shni davlatlarga ham tarqalib ulgurdi. JSST ma'lumotlariga ko'ra, hozirgi kunga kelib tasdiqlangan holatlar soni 9,7 mingdan oshib ketgan, qurbonlar esa deyarli 4,7 ming nafarga yetgan.

Source: www.dw.com