Keniyaning janubi-sharqiy qismidagi asosiy avtomagistralda motam marosimidan qaytayotgan avtobus yuk mashinasi bilan to'qnashib ketdi, deya xabar beradi politsiya. Fojia mamlakat poytaxti Nayrobi shahrini Mombasa qirg'in shahri bilan bog'lovchi yo'lda, Mtito Andey yaqinidagi Kanga hududida yuz berdi.

Mahalliy shifoxona rasmiylarining ma'lumotlariga ko'ra, yana 24 kishi turli tan jarohatlari olib kasalxonaga yotqizilgan. Halokatga uchragan avtobus Mombasadagi cherkovga tegishli bo'lib, u yo'lovchilarni g'arbiy Keniyadagi pastorning dafn marosimidan ortga olib qaytayotgan edi, guvohlarning so'zlariga ko'ra, ular to'qnashuvdan biroz oldin nonushta qilish uchun to'xtashgan.

Rasmiylar va omon qolganlarning dastlabki ma'lumotlariga ko'ra, avtobus haydovchisi bir nechta mashinadan o'zib ketishga urinib, qarama-qarshi yo'nalishdan kelayotgan tsement ortilgan yuk mashinasi bilan to'qnashgan. Shuningdek, Milliy transport va xavfsizlik boshqarmasi xavfli quvib o'tish holatlarini asosiy sabablardan biri sifatida ko'rsatmoqda.

Mazkur mudhish voqea aynan shu shosseda 17 kishining yostig'ini quritgan avvalgi yirik avtohalokatdan atigi uch hafta o'tib sodir bo'ldi. Ushbu ketma-ket fojialar mamlakatdagi yo'l harakati xavfsizligi tizimining nochor ahvolda ekanini va hukumatning xavfsizlikni ta'minlash borasidagi va'dalari amalda ishlamayotganini ko'rsatmoqda.

Source: www.aljazeera.com