Britaniya rejimining Bosh vaziri Endi Bernem o'z mamlakati transatlantik qullik savdosidagi tarixiy roli uchun kechirim so'rashga tayyorligini bildirdi, biroq faollar yillar davomida talab qilib kelayotgan moddiy kompensatsiyalarni to'lash ehtimolini qat'iyan rad etdi. Bu haqda u «The Guardian» gazetasida e'lon qilingan mualliflik maqolasida yozib, London siyosatida o'ziga xos burilish yasaganini iddao qildi.

Ushbu bayonot Britaniya ta'siridagi 50 dan ortiq Hamdo'stlik davlatlari rahbarlari ishtirokidagi to'rt kunlik sammit oldidan yangradi. Antigua va Barbuda poytaxti Sent-Jons shahrida o'tayotgan tadbirga qirol Charlz boshchilik qilmoqda, u esa Karib dengizi mintaqasiga tashrif buyurgan edi. Bernem o'z maqolasida millionlab odamlarning azob-uqubatlari uchun shaxsiy pushaymonligini izhor etib, bu holat bugungi dunyoni hamon shakllantirayotganini tan oldi.

Biroq Karib dengizi mamlakatlari va xalqaro faollar Londonning bu qadamini yetarli emas deb baholamoqdalar. Xususan, ularning talabiga ko'ra, moliyaviy tovon puli va qarzni bekor qilish masalasi hal etilmaguncha, bunday kechirimlar to'liq hisoblanmaydi. Shu bilan birga, Britaniya muxolifatidagi Konservativ partiya yetakchisi Kemi Badexok bosh vazurning tashabbusini tanqid qilib, uni behuda va asossiz deb atadi.

Source: www.aljazeera.com