O‘zbekiston qishloq xo‘jaligi sohasida muhim yangilik: mamlakatga 100 ta zamonaviy qishloq xo‘jalik dronlari yetkazib berildi. Bu dronlar qishloq xo‘jaligi yerlari monitoringi, o‘g‘itlarni sochish va o‘simliklarni himoya qilish uchun mo‘ljallangan. Yetkazib berish Qishloq xo‘jaligi vazirligi tashabbusi bilan Jahon banki ko‘magida amalga oshirildi.

Dronlar Xitoyda ishlab chiqarilgan bo‘lib, ularning 50 tasi qishloq xo‘jaligi maydonlarini masofadan monitoring qilish uchun, qolgan 50 tasi esa o‘g‘itlarni sochish, zararkunandalarga qarshi kurash va agrotexnika ishlarini bajarish uchun mo‘ljallangan. Bu texnologiyalar qishloq xo‘jaligida samaradorlikni oshirish va resurslarni tejashga qaratilgan.

Loyiha doirasida mutaxassislarni o‘qitish ham tashkil etildi. Davlat ilmiy-loyiha instituti «O‘zgiprozem» va uning mintaqaviy bo‘linmalaridan 30 nafar xodim dronlarni boshqarish va texnik xizmat ko‘rsatish bo‘yicha tayyorgarlikdan o‘tmoqda. Kelajakda 100 tagacha malakali operator tayyorlash rejalashtirilgan, bu esa mamlakatda qishloq xo‘jaligi texnologiyalarini rivojlantirishga yordam beradi.

Source: kun.uz