O‘zbekistonning tashqi savdo aylanmasi 2026 yilning yanvar-fevral oylarida 11,6 milliard dollarga yetdi, bu o‘tgan yilning shu davriga nisbatan 7,1 foizga o‘sishni ko‘rsatdi. Milliy statistika qo‘mitasi ma’lumotlariga ko‘ra, umumiy tovar aylanmasi o‘sishiga qaramay, eksport va import dinamikasi turlicha yo‘nalishda bo‘ldi.

Import hajmi 8 milliard dollarni tashkil etib, yillik asosda 29,8 foizga oshdi. Importning asosiy qismini mashinalar va transport uskunalari (36,1 foiz) tashkil etdi, shuningdek, sanoat mahsulotlari va kimyoviy mahsulotlar ham sezilarli hajmda kiritildi.

Eksport ko‘rsatkichlari esa 3,5 milliard dollarga tushib, o‘tgan yilga nisbatan 23,4 foizga kamaydi. Chiqarilgan tovarlar orasida sanoat mahsulotlari, oziq-ovqat mahsulotlari, tirik hayvonlar va kimyoviy vosatlar ustunlik qildi.

Savdo ko‘rsatkichlari bilan bir qatorda, xizmatlar bozori ham ijobiy dinamikani namoyish etdi, uning hajmi 168,2 trillion so‘mga yaqin bo‘lib, 15,4 foizga o‘sdi. Bu ko‘rsatkichga moliyaviy xizmatlar, savdo, turar joy va jamoat ovqatlanish sohalari, shuningdek, transport sektori eng katta ta’sir ko‘rsatdi.

Mart oyi boshida respublikada faoliyat yuritayotgan korxona va tashkilotlar soni 486 mingdan oshdi. Biznes subyektlari eng ko‘p Toshkent shahri, Toshkent viloyati va Samarqand viloyatida to‘plangan, soha bo‘yicha esa savdo va sanoat yetakchilik qilmoqda.

Source: podrobno.uz