Mirzo-Ulug‘bek tuman sudida bloger va tadbirkor Sanjar Karimov (Real Sanjik) ishi bo‘yicha munozaralar boshlandi. Himoya tarafi sud jarayonini “fuqarolik-huquqiy nizo” deb atab, ayblovni asossiz deb hisoblamoqda.

Advokatning ta’kidlashicha, Karimov Rismatovga 240 ming dollar qarz bergan va Olimboyevlar uyi garov sifatida rasmiylashtirilgan. Bu O‘zbekistonda keng tarqalgan amaliyot bo‘lib, uni firibgarlik deb atash “kundalik fuqarolik muomalasini kriminalizatsiya qilish”dir.

Himoya, shuningdek, o‘lim bilan qo‘rqitish epizodini ham rad etadi. Advokatning so‘zlariga ko‘ra, audioyozuvda Karimovning so‘zlari “yarador hayvonning faryodi” bo‘lib, jinoiy niyat emas, balki 240 ming dollar yo‘qotishdan kelib chiqqan ruhiy tushkunlik ifodasidir.

Himoya tarafi sudni ogohlantirdi: agar garov bitimlari firibgarlik deb topilsa, mamlakatda shunday shartnomalar tuzgan har qanday shaxs jinoiy javobgarlikka tortilishi mumkin.

Eslatib o‘tamiz, prokuror Karimovga 5 yil ozodlikdan mahrum qilish jazosini tayinlashni so‘ragan. Sud jarayoni davom etmoqda.

Source: podrobno.uz