Toshkent, 15 may – Podrobno.uz. Bugun tushdan keyin Toshkentning Yashnobod tumanidagi ko‘p qavatli uyda yong‘in sodir bo‘ldi. Yong‘in tezda o‘chirildi va hech kim jabrlanmadi.

Yong‘in haqida xabar Toshkent shahar Favqulodda vaziyatlar boshqarmasiga 15 may kuni soat 16:02 da kelib tushdi. Yong‘in Yashnobod tumanidagi “Alimkent” mahallasida, Qorasuv ko‘chasidagi ko‘p qavatli uyning kvartiralaridan birida sodir bo‘lgan.

Voqea joyiga uchta o‘t o‘chirish-qutqaruv ekipaji yetib keldi va soat 16:10 da yong‘inni o‘chirishga kirishdi. Yong‘in soat 16:33 da to‘liq o‘chirildi.

Yong‘in natijasida taxminan 15 kvadrat metr maydondagi uy-ro‘zg‘or buyumlari yonib ketdi. Dastlabki ma’lumotlarga ko‘ra, jabrlanganlar yo‘q.

Hozirda mutaxassislar yong‘in sabablari va moddiy zarar miqdorini aniqlamoqda. Avvalroq poytaxtning Yunusobod tumanidagi savdo nuqtasida katta yong‘in o‘chirilgan edi.

Source: podrobno.uz