Andijonda yuz bergan dahshatli yo‘l-transport hodisasida ikki kishi, jumladan, bir ayol va uning nabirasi halok bo‘ldi. Hodisa kechki payt, piyodalar o‘tish joyida sodir bo‘lgan.

Kun.uz ma’lumotlariga ko‘ra, Malibu rusumli avtomobil yuqori tezlikda harakatlanib, piyodalar o‘tish joyidan o‘tayotgan buvi va uning ikki nabirasini urib yuborgan. Kuchli zarbadan ikki kishi voqea joyida vafot etgan.

Jabrlanganlarning qarindoshlarining so‘zlariga ko‘ra, Malibu haydovchisi BMW rusumli avtomobil bilan poyga uyushtirgan. Guvohlarning aytishicha, avtomobil bolani 100 metrgacha sudrab borgan.

Hozirda Malibu haydovchisiga nisbatan qamoq ehtiyot chorasi qo‘llanilgan va u hibsga olingan. Tergov harakatlari davom etmoqda.

Source: podrobno.uz