Farg‘ona viloyatida huquq-tartibot organlari tomonidan o‘tkazilgan maxsus operatsiya davomida Rishton tumanida yashovchi ayol giyohvand moddalarni sotishda gumonlanib ushlandi.
Viloyat IIB matbuot xizmati xabariga ko‘ra, 41 yoshli ayol umumiy og‘irligi taxminan 40 gramm bo‘lgan ikki paket gashishni sotish vaqtida qo‘lga olingan. Guvohlar ishtirokida uning sumkasi tekshirilganda yana ikki paketda taxminan 60 gramm gashish topilgan.
Giyohvand moddalar ashyoviy dalil sifatida olib qo‘yilgan. Hozirda tekshiruv ishlari olib borilmoqda.
Bu viloyatdagi birinchi holat emas. Avvalroq Farg‘onada huquq-tartibot organlari mayda shag‘al uyumida 6 kilogrammga yaqin giyohvand moddani aniqlagan edi. Saqlashda gumonlanib mahalliy ayol ushlangan edi.
Source: podrobno.uz