Toshkent xalqaro aeroporti yangi yuk terminali orqali Xitoydan Yevropa va Osiyoga yuklarni yetkazishning yangi “Track to Air” sxemasini ishga tushirdi. Bu haqda Podrobno.uz muxbiriga aeroport yuk tashish departamenti rahbari Umid Xamrayev ma’lum qildi.

Uning so‘zlariga ko‘ra, dastur 2025-yil mart oyida yangi yuk terminali ochilgandan so‘ng ish boshlagan. Ushbu sxema doirasida Xitoydan yuklar avtomobil transportida Toshkentga yetkaziladi, so‘ngra havo transportiga yuklanib, Yevropa va Osiyo mamlakatlariga jo‘natiladi.

Shuningdek, O‘zbekiston qishloq xo‘jaligi mahsulotlari eksporti geografiyasi kengaydi. Ilgari gilos va o‘riklar asosan Rossiyaga yetkazilgan bo‘lsa, bu yil eksport yo‘nalishlariga Birlashgan Arab Amirliklari va Ummon qo‘shildi.

Toshkent terminali orqali tranzit yuk tashish hajmi ham oshmoqda. Xususan, har oy Afg‘onistondan 100 tonnadan ortiq quritilgan mevalar – asosan yong‘oq, pista, xurmo va kesh’yu o‘tadi. Ushbu mahsulotning asosiy bozori Hindiston bo‘lib qolmoqda.

Xamrayevning ta’kidlashicha, yuk oqimining o‘sishiga qo‘shimcha turtki elektron tijorat bo‘ldi. “Pandemiyadan so‘ng elektron tijoratning jadal o‘sishini kuzatmoqdamiz. Ozon va AliExpress kabi marketpleyslardan xalqaro jo‘natmalar soni sezilarli darajada oshdi”, – dedi u.

Source: podrobno.uz