Farg‘ona viloyati Marg‘ilon shahrida huquq-tartibot idoralari xodimlari noqonuniy “hujra” faoliyatini to‘xtatdilar. Ushbu yashirin diniy maktabda 20 nafar voyaga yetmagan qiz bolalarga diniy ta’lim berilgan.

Farg‘ona viloyati IIB ma’lumotiga ko‘ra, qoidabuzarliklar profilaktik tadbirlar doirasida aniqlangan. Ichki ishlar organlari va Davlat xavfsizlik xizmati xodimlari birgalikda tekshiruv o‘tkazgan.

Tergov ma’lumotlariga ko‘ra, 34 yoshli mahalliy ayol xususiy uyda noqonuniy maktab tashkil qilib, 20 nafar voyaga yetmagan qiz bolaga diniy darslar o‘tgan. Ulardan 15 nafari Marg‘ilonda yashagan, qolganlari Farg‘ona, Toshloq va Qo‘shtepa tumanlaridan kelgan.

Ayolga nisbatan diniy ta’limotlarni o‘qitish tartibini buzganlik uchun jinoyat ishi qo‘zg‘atilgan. Qizlarning ota-onalari esa bolalarni tarbiyalash va o‘qitish bo‘yicha majburiyatlarni bajarmaganliklari uchun ma’muriy javobgarlikka tortilgan. Hozirda tergov davom etmoqda.

Huquq-tartibot idoralari eslatib o‘tadiki, diniy ta’lim olish faqat qonun bilan belgilangan tartibda va rasmiy muassasalarda amalga oshirilishi kerak. Avvalroq Toshkentning Bektemir tumanida ham shunday noqonuniy diniy ta’lim holati aniqlangan edi.

Source: podrobno.uz